بحیرہ روم کی خوراک سے وزن کم کریں

پوسٹ گریجویٹ میڈیکل جرنل میں شائع مضمون میں بتایا گیا ہے کہ بحیرہ روم کی خوراک وزن کم کرنے کے لیے نہایت مفید ہو سکتی ہے۔

طبی جریدے ’پوسٹ گریجویٹ میڈیکل جرنل‘ میں شائع ہونے والے ایک مضمون کے مطابق طبی ماہرین کے خیال میں ایسی خوراک سے دل کا دورہ پڑنے اور فالج کے خطرات فوری طور پر کم ہو جاتے ہیں۔ماہرین کا یہ بھی کہنا ہے کہ وزن کم کرنے کی ’کم چکنائی والی خوراک‘ کے مقابلے میں بحیرۂ روم کی خوراک بہتر ثابت ہو سکتی ہے۔اس  خوراک سے دل کا دورہ پڑنے کا امکان بھی کم ہو جاتا ہے۔اس میں یہ بھی بتا یا گیا ہے کہ دل کا دورہ پڑنے کے بعد بحیرۂ روم کی خوراک سے صحت یاب ہونے کے امکانات تین گنا بڑھ جاتے ہیں۔ہے نا اچھی خبر ۔